माझी शाळा माझ्या आठवणीतील खजिना

माझी शाळा माझ्या आठवणीतील खजिना
कुठून करावी सुरुवात कळत नाही मला |
कारण माझ्या श्वासात आहे माझी शाळा  ||
       आईचा हात सोडूनि जेव्हा शाळेचा धरला हात |
       शाळेनेही आई बनुनि घेतले मज पदरात ||
हळूहळू एकेक इयत्ता चढत,  टाकीत गेले पाऊले |
संस्काराचे सर्व धडे, गिरवुनि तिने घेतले ||
       त्या वेळेचा एकेक क्षण मुरत गेला श्वासात |
       दिवस कधी सरले कळलेच नाही  मित्र-मैत्रिणींच्या सहवासात ||
खूप काही शिकले खूप खूप मिळवले |
त्यामुळेच तर आज अशी मी घडले ||
       तिच्या संस्कारांचा पगडा इतका मजवरी पडला |
       शिक्षिका बनुनि तिचा वारसा उचलला ||
अशी माझी शाळा जिने मला घडविले |
ज्ञानदानाचे कार्य मज कडूनही करविले ||
       माझी शाळा माझी आई तीच माझे अस्तित्व |
      माझ्या जीवनात आहे तिला श्वासाइतके महत्त्व ||
 तीच माझी शक्ती तीच माझी प्रेरणा  |
 ज्ञान दानाचे कार्य करूनि, वाटते माझ्या आठवणीतील अक्षय खजिना ||
     भरारी देईन तिने पाहिलेल्या स्वप्नांना |
     हीच असेल माझी तिला मानवंदना, हीच असेल माझी तिला मानवंदना ||
--------------------------------------------------------------------------------------------------------------------------