गीत यशाचे

           
स्वप्न पाहिलेच होते घवघवीत  यशाचे
आजचे हे यश आहे फळ मेहनतीचे
       वर्षभराचे कष्ट वर्षभराची धावपळ
       वर्षभरात झाली नुसती पळापळ
किती अधिक किती वजा
कधी बक्षीस कधी सजा
        जीवनातील चढ उतार जणू या वर्षभरात पाहिले
        निकाल हाती येताच सर्व भरून पावले
साकारले सर्वांचे स्वप्न, पडला अभिनंदनाचा पाऊस
ओघळले डोळ्यातून पाणी, आले गालावरती हासू
        उगवली नवी दिशा, अंकुरली नवी आशा
        वाट नवी आहे, पाऊल जपून टाका
अजून खूप काही शिकायचे आहे
अजून खूप पुढे जायचे आहे
नव्या विश्वाच्या् नव्या रंगात रंगूनही जायचे आहे
         नवे विश्व तर उभे आहे, तुमच्या स्वागतासाठी
        कायम महत्वाचे असाल तुम्ही, आमच्यासाठी
आमचा आशीर्वाद असाच राहिल, सदैव तुमच्या पाठीशी
पण एकनिष्ठ रहा, नेहमी आपल्या मातीशी
पुन्हा एकदा अभिनंदन, पुन्हा एकदा शुभेच्छा
ईश्वर पूर्ण करो तुमच्या सर्व इच्छा
ईश्वर पूर्ण करो तुमच्या सर्व इच्छा